>
Gimik lang, ito ang sabi ng Malacañang sa ginagawang retreat ni Senator Noynoy Aquino ngayon sa isang Carmelite monastery sa Zamboanga na kungt saan ay pagkatapos ng kanyang spiritual discernment ay mabibigay na niya ang kanyang desisyon kung siya ba ay tatakbo sa 2010 National and Local Election.
Mula sa pahayag ni Deputy Palace Spokesperson Anthony Golez na parte ng political strategy ni Noynoy ang hindi pagpapahayag agad ng kanyang pagtakbo. “We respect any gimmickry, whatever ways how can he arrive in the decisions. We respect that. If he says that he will announce on the on September 9 because of the 40th day or any reason at all we respect that, that’s part of their plans”, ito ang statement ni Golez sa kanyang ginawang press briefing noong August 3 parehong araw ng pagdating ni Aquino sa Zamboanga para umpisahan ang kanyang retreat.
To Support or not to support
After magbigay daan ni Senator Mar Roxas sa kanyang kaalyado na si Noynoy sa Liberal Party ay nagbigay na rin ng suporta si Pampanga Governor Ed Panlillo. Ayon sa kanyang press conference sa Club Filipino, parehong lugar na kung saan ginawa nina Noynoy at Mar ang kanilang mga announcement na kaugnay sa nalalapit na 2010 election na aatras siya (Panlillo) sa pagtakbo sa 2010 election upang suportahan si Noynoy sa pagtakbo nito. Bukod dito ay hinihikayat niyang magdonate ang mga taong naniniwala kay Noynoy para makatulong ito sa kanyang pangangampanya.
Sa kabila nito ay hindi aatras sa pagtakbo si Jesus is Lord Spiritual Leader Eddie Villanueva sa 2010 election kahit na tumakbo si Noynoy at nagbigay na ng suporta ang mga nagnanais tumakbo noon sa pagkapangulo. Ayon sa kanya may agendang binubuo ang kanyang partidong Bangon Pilipinas at nagkakaintindihan sila ng ibang mga presidential aspirants na destiny ang pagiging presidente.
Pero ayon naman sa mga kapatid ni Noynoy sa pangunguna ni Balsy Aquino na huwag daw madaliin ang kanyang kapatid at sana daw ay patapusin muna ang 40 days ng kanilang yumaong ina na si dating Pangulong Corazon Aquino.
Blogger’s Point of View
Marahil gimik ang ginagawa ni Noynoy ngayon pero hindi ba ito ginagawa rin ng ibang politiko? Marahil nararamdaman na ng Palasyo ang nalalapit na election at isa sa mga mabibigat nitong kalaban sa 2010 ay si Noynoy at Mar kung sakaling magdesisyon na si Noynoy at si Mar ang pipiliin niyang Vice President. Hanga ako sa ginawa ni Mar at gayon din sa kinawa ni Panlillo sa pagbibigay suporta nila at pag atras sa kanilang pagtakbo bilang presidente. Pero humahanga rin ako kay Villanueva dahil pinangatawanan niya ang kanyang kagustuhan na maglingkod sa bayan. Walang masama sa mga pangarap o gawaing magbigay daan o maglingko sa bayan isa lang ang problema na dapat maging aware ang lahat na mga tao ay kilatisin ang mga iboboto nila, madrama man o simple ang taktika nila sa pangangampanya o pagbabahayag ng kanilang pagtakbo dahil minsan nabubulagan tayo kagaya ng mga mamimiling pili lang ng pili ng mga prutas at lagay sa kanilang mga supot na hindi man lang kinikilatis at sa huli bulok pala ang laman ng mga ito at huli magsisisi tayo na mali pala tayo at sana kinilatis muna natin mabuti bago tayo bumili. Walang pinagkaiba yan sa election pinasimple ko lang para mas madaling maintindihan kaysa maging kumplikado at sila sila lang ang makakaintindi.
Image courtesy of Umagang Kay Ganda.
var addthis_pub=”angsawariko”;
